احمد فؤاد نحم

عشان انت مصــــــرى لازم تعانى وتفقد كرامتك بكل المعانى
وتحرق فى دمك سنين مش ثوانى واوعى تصدق كلام الاغانى
بتاع الحضــــــــــــــــاره كانى ومانى ده كلـــه هجايص مايدخل ودانى


عشان انت مصرى العذاب بيناديك بتبدأ فى يــــــوم حاجات بترازيك
فى نومك فى قومك تعكنن عليك تضايقك ولسه العماص فى عينيك
مافيش ميه تشطف صابونه فى ايديك وجسمك ملزق وريجتك عاديك


فتلبس وتنزل وفيك اللى فيــــــــــــك ورايح لشغلك هاتحتاج مواصله ادى المترو واقف وكهربته فاصله وفى الميكروباص خناقه وحاصلة
اتوبيس فرامله عايزه لها وصله وتوك توك ده تايه ومحتاج لبوصله


بتوصل لشغلك بدم انحرق فى زحمة وكتمه وحر وعرق
رئيسك سايبلك كومة ورق ده غير دمغه ضايعه وملف اتسرق
وفى كام مواطن عاملك قلق بيشكى تقول له روح اندعك
وعركه وهوجه وشاى اندلق ومخك خلاص من الصداع اتفلق
هاترجع بيتك ده لو كان فى بيت هتوصل هتندم ياريتك ماجيت
مراتك بتصرخ خلاص استويت عيالك بتطلب وهات كيت وكيت
تزعق تهاتى ياناس اتهريت ولا حد سامعك مهما هاتيت
عشان انت مصرى وده للاسف فلازم تأسى تعيش تتقرف


وكل الاساس فى حياتك ترف فتنسى الكرامه وتنسى الشرف
وتسرق وتنصب او تنحرف ودمعك بيجرى وجرحك نزف
مش انت اللى مصــــــــــــــــرى جتـــــــــــك القــــــــــــــــــــرف


احمد فؤاد نجم

تـــــــــســـــــــــــلـــــــــــــــــم

Boozer كتب:

يا جماعة لو الراجل فعلا قال الكلام دةيبقى اكيد هو فى السجن

من حق اى حد يقول اللى هو عوزه