مقارنه بين جهنم وكلية الهندسه

مالفرق بين دخول جهنم ودخول كليةالهندسة؟؟؟
- دخول جهنم مابيحتاجش مجموع كبيرفىثانوية عامة.
-علشان تدخل جهنم حاتسمع بكل حاجة حتى لو كانت حرام، علشان تدخل هندسة هتحرم على نفسك كل حاجة حتى لو كانت حلال.
-مش ممكن تسقط فى جهنم.
-فى جهنم الزبانية عارفين انهم زبانية، ومحدش منهم بيحاول يدرس للطلبة.
- فى جهنم ماحدش فاكر نفسويتة الحاكم بأمر الله او ابن آمون-رع-فى نفس الوقت.
-بتتعب جدا علشان تدخل هندسة، وبتتعب اكتر علشان تخرج منها.
- مش ممكن حديضحك عليك ويقولك ان خريجين جهنم مستقبلهم حلو كويس.
- فى جهنم بتبقى عارف انك بتشوف الذل عقابا على الى عملتة من سيئات، اما فى هندسة مبتبقاش عارف انتة بتشوف الذل لية...؟؟
- محدش بيدخل جهنم وبيبقى عارف انة عندة امل كاذب انة يتخرج منهاااا.
-............ اكيد فى بنات حلوة بتدخل جهنم...
*لماذاتفضل كلية الهندسة عن جهنم؟؟؟
-فى هندسة بيحرقواا دمك بس!.
-شباب هندسة ممكن يروحوا كلية الالسن او الاقتصاد او تجارة انجلش
علشان يشوفوا الدنيا..!
-لو كنت فى جهنم مش ممكن تسقط مرتين فى اعدادى وتترفد....!.
- ممكن تخرج من هندسة باحدى الحسنيين ؛ الرفد او الشهادة.
حرااااام.!
* هل السجن افضل من كلية الهندسة؟؟؟
-فى السجن بتبقى عارف هتخرج امتى...!ّ
-فى السجن بتبقى عارف الشاقة حا تنتهى بعد التخرج...!
- السجانين بيبقوا الطف من.............!
-فى السجن بتكسر ظلط بالنهار بس، وتنام بليل زى بقيت خلق الله .
-فى السجن ماحدش بيقطع اللوحةالى سهرت عليها اسبوع.
- لو خرجت من السجن مش ممكن تدخلة تانى برجليك تعمل دراسات عليااا.
- مش ممكن واحد مسجون يخرج قبلك بسنة يعينوة شاويش ويتنطط عليك..!
- مفيش سجانين صغيرين بيهزقوا النزلاء علشان يتمنظرواقدام البنات.
حرااام
* اجابة علمية صرييحة..!
- انت دخلت هندسة علشان غاوياهاا ولا استخسرت المجموع الكبير؟؟
-لأ،دخلتها علشان شكلى وحش..!
- قرات هذة النكتة فى نصف مجلة حائط ممزقة وملقااة على الارض وعليها اختام من الكعوب الحريمى وذلك بداخل احدى كليات الهندسة العريقة
* اسئلة علمية...!
- ماهو تعريف الأرج..؟؟؟؟
-الارج فى عين امة غزاااال..!
(واقعة حقيقية).. كانت هذة اجابة طالب دمة خفيف على سؤال شفوى فى امتحان الفزيااء العملى ، يعمل اية؟ النكت نقحت علية ولا قدرش يقااوم! من الآخر ؟ شال الفزياااء سنتين!

الحمد لله ان كنت هادخل جهنم احسن ما ادخل هندسة

» قوة الهندسه المدنيه